සම්බුදු තෙමඟුල සමරන අසිරිමත් වෙසක් පුන් පොහෝ දිනය අදයි

  •  
  •  
  •  
  •  
  •  
  •  
  •  
  •  
  •  
  •  

තථාගත බුදුපියාණන් වහන්සේගේ ඉපදීම, බුදුවීම සහ පිරිනිවන්පෑම සිදුවූ වෙසක් පුර පසළොස්වක පොහෝ දිනය අද (18) යි.

ප්‍රතිපත්ති පූජාවලට මුල්තැන දෙමින් දිවයින පුරා සිටින බොදු ජනතාව වෙසක් පොහොය සමරනු ලබනවා.

බුදුරජාණන් වහන්සේගේ ලොව පහළවීම, බුදුවීම සහ පිරිනිවන්පෑම යන අසිරිමත් සිදුවීම් සිදුවූ වෙසක් පුන් පොහෝ දිනය අදයි.

සමස්ත ලෝකවාසී බොදු ජනතාවගේ පරම පූජනීය ආගමික දිනය ලෙස අද දිනය සැලකෙනවා.

ඒ නිමිත්තෙන් කෝටි සංඛ්‍යාත බොදු  බැතිමතුන් බුදුන් වහන්සේට කෘතගුණ දක්වන්නේ ආමිස හා ප්‍රතිපත්ති පූජාවල යෙදෙමිනුයි.

බුදුන් වහන්සේ සුමේධ නම් තාපසයෙකු ලෙස එක් ආත්ම භවයක ඉපිද දීපංකර බුදුරජාණන් වහන්සේගෙන් ප්‍රථම නියත විවරණ ලැබුවේ වෙසක් පුන් පොහෝ දිනකදීයි.

එසේම බුදුන් වහන්සේගේ අග්‍ර උපස්ථායක ලෙස කටයුතු කළ ආනන්ද මහතෙරුණ් වහන්සේ පිරිනිවන්පෑම සිදුකළේ ද අද වන් දිනක බවයි පොතපතෙහි සඳහන් වන්නේ.

මේ අතර වෙසක් පොහෝ දිනය ලක්වාසී ජනතාවට තවත් ආකාරයකින් වැදගත් වනවා.

ඒ, සිංහල ජන වංශයේ ආදි පුරුෂයා ලෙස වංශ කතාවන්හි සඳහන් වන විජය කුමරු ඇතුළු සත් සියක් පිරිස මෙරටට පැමිණ සිංහල ජාතියේ සමාරම්භය සිදුකිරීම හේතුවෙන් මෙවැනි ආගමික හා සංස්කෘතිකමය වශයෙන් වැදගත් සිදුවීම් සිදුවූ වෙසක් පුන් පොහෝ දිනය සිහිපත් කරමින් අද දිවයිනේ වෙහෙර විහාරස්ථානයන්හි ආමිස හා ප්‍රතිපත්ති පූජාවන්ට මුල්තැන දෙමින් විවිධ ආගමික වැඩසටහන් සංවිධාන කර තිබෙනවා.

Facebook Comments

  •  
  •  
  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *